സ്ത്രീകള് പൊതുപ്രവര്ത്തനത്തിന് പോകുമ്പോള് മിക്കപ്പോഴും കുഞ്ഞുങ്ങളെ കൊണ്ടുപോകുന്നത് അത്ര നേരമെങ്കിലും അമ്മയുടെ സാമീപ്യം കുഞ്ഞുങ്ങള്ക്ക് ലഭ്യമാകാനാണെന്നും അതിനെ ശരിയായ അര്ത്ഥത്തില് മനസിലാക്കാന് പൊതുസമൂഹം തയാറാവേണ്ടതുണ്ടെന്നും കെ കെ ശൈലജ
'പെണ്ണുങ്ങള് കുട്ടികളെ നോക്കി വീട്ടിലിരുന്നാല് പോരേ എന്ന് ചോദിച്ചവരെ വര്ഷങ്ങളുടെ പരിശ്രമം കൊണ്ടും കഠിനാധ്വാനം കൊണ്ടും കേരളം തിരുത്തിച്ചു. ഈ ഉദ്യമങ്ങള് അവസാനിക്കുന്നില്ല. ഇനിയും ഏറെ തിരുത്താനുണ്ട്'- അദ്ദേഹം ഫേസ്ബുക്കില് കുറിച്ചു.
പൊതുവേദികളിലും നിയമ നിര്മ്മാണ സഭകളിലുമെല്ലാം കുഞ്ഞുങ്ങളുമായി എത്തുന്ന അനേകം രാജ്യങ്ങളിലെ അമ്മമാര്ക്ക് നല്കുന്ന ബഹുമാനം ഇവിടെയും നല്കാനുളള ബോധം എന്നാണ് നമ്മള് ആര്ജ്ജിക്കുകയെന്നും എല്ലാത്തിലും കുറ്റം മാത്രം കാണുന്ന നമുക്ക് എന്നാണ് നേരം വെളുക്കുക എന്നും അദ്ദേഹം ചോദിക്കുന്നു.